@ 
6/9，民政及青年事務局副局長梁宏正出席沙田青年協會主辦嘅第 屆「沙田區傑出學生選舉頒獎典禮」。作為沙田學界嘅重點項目之一 ，評審團喺區內學校選出高中同初中各10位品學兼優 及面試表現優秀 嘅同學成為年度「沙田傑出學生」 。沙田民政處多年來都有參與評選 工作，見證好多同學喺唔同範疇都有相當出色 嘅表現！
副局長致辭時提到，今年係中國人民抗日戰爭暨世界反法西斯戰爭勝利80周年 ，勉勵同學除咗努力求學 ，亦要正確認識及銘記歷史，緬懷先烈及珍愛和平 ，培養愛國情懷 。佢又向大家推介HKYouth+手機App，並呼籲各位踴躍參加政府舉辦嘅一系列青年及國民教育活動，擴闊視野 發揮潛能 ，把握多元發展機會。佢亦讚賞及感謝沙田青年協會大力推動區內青少年參與關愛隊義工服務 ，寄語同學要多參與社區服務，成為 建設香港、貢獻國家 嘅未來棟樑！
出席嘉賓包括中聯辦新界工作部副部長朱宜華、立法會議員盧偉國、署理沙田民政專員鍾碩華等，亦有多位政府及地區代表到場支持。各位嘉賓除咗為同學頒獎 ，亦欣賞獲獎學生表演話劇 ，同大家一齊見證精彩時刻 。
