@ 
上個月，荃灣福來邨不幸發生咗一宗火警 ，幸好無人受傷 ，但有一個單位遭受嚴重破壞。民政處收到消息後，立即聯絡關愛隊 及相關部門安撫住戶，確保受影響嘅街坊唔會孤立無援 ！
喺火警發生後，區議員及關愛隊義工 即時協助受災住戶申請仁濟緊急援助基金 ，提供適時嘅經濟援助。民政處亦迅速協調各部門，包括社署同房屋署，確保受影響嘅街坊得到適切支援。房署更安排咗另一個單位畀受影響嘅街坊暫住 ，等佢哋可以安心過渡難關 。
此外，消防處義工隊 喺4/9亦不辭勞苦，協助清理屋內燒毀嘅傢俬 同雜物 。房署將會為單位進行復修 ，確保居民可以盡快返到自己嘅安樂窩 。
今次事件，再次展現咗喺民政處協調下，各政府部門、區議員、關愛隊及義工團結同關愛嘅精神。無論遇到任何困難，只要大家攜手合作 ，問題必定會迎刃而解 ！
民政處衷心感謝各持份者喺事件中嘅協助 ，為受影響嘅街坊解燃眉之急。希望受影響嘅街坊可以早日安頓好 ，社區亦會繼續支持佢哋 ！
