@ 
由觀塘民政處主辦，為期超過 個月 、超過 間企業 ，及超過 位青年 參與嘅「生涯發展及職業體驗計劃」剛於8月底圓滿 結束，計劃嘅成果分享會亦於尋日（6/9）順利舉行 ！
民政總署署長杜潔麗、觀塘民政專員何立基、觀塘區議會屬下青年委員會主席鄭強峰、副主席張琪騰、觀塘區青年社會建設委員會主席莊裕坤、副主席吳美儀，聯同觀塘區青年事務顧問委員會委員、各參與計劃嘅公司／機構代表、參與學校嘅校長及老師，超過100人出席活動，見證本年度活動成果 。
杜署長致辭時，鼓勵青年積極規劃未來嘅職業生涯，努力裝備自己成為有理想，具世界視野嘅香港青年，日後把握機遇為國家、為香港貢獻所長 。杜署長同時亦感謝各青年委員會成員嘅協助及聯繫 ，使到更多不同行業及機構參與本年度嘅生涯發展及職業體驗計劃。
大會邀請咗樓市KOL胡國威（《胡·說樓市》創辦人）出席今次活動，擔任星級嘉賓。胡先生分享佢喺傳媒行業嘅經驗，亦鼓勵各位青年要認清路向，裝備自己，創造自己嘅未來，現場個個都滿載而歸 ！除咗嘉賓分享，參與學員代表亦上台分享感受，佢哋都表示今次計劃，增加了解各行業嘅運作，亦體驗到行業內不為人知嘅趣事 及辛酸 。出席嘅企業代表都讚賞參與嘅觀塘區青年十分投入各項活動 ，期待佢哋畢業後加入佢哋公司 。
觀塘民政處會繼續做好青年發展嘅工作，並同社會各界攜手並肩 ，為年輕人創造一展所長、成就夢想嘅環境。今次活動嘅經歷，亦會成為青年成員嘅寶貴回憶 ，引領佢哋勇於追夢 ！ 民政處特別輯錄咗計劃嘅相片、活動花絮同短片 ，畀大家見證學員嘅成長歷程 。
最後，觀塘民政處再次衷心感謝各參與機構，包括：中國聯通國際、中國建設銀行（亞洲）、中國海外物業服務、香港上海匯豐銀行、Now TV 新聞部、啟德體育園、國泰航空、香港中華煤氣、中華電力、港鐵公司、城巴、九龍巴士（一九三三）、九龍殯儀館、海洋公園、基督教聯合醫院、香港旺角維景酒店、香港九龍維景酒店、灣景國際酒店、城景國際酒店、領展資產管理、香港中樂團、青年會中西綜合醫務及專職醫療護理部、尖沙咀物理治療及復康診、陳啟耀中醫診所及YM FLEUR，讓觀塘年青人大開眼界，開拓圈子！
@