@ 
上週六（6/9）趁未打風，深水埗麗閣小區關愛隊超過60位義工一齊出動，探訪位於小區內嘅長者戶。老友記都十分熱情，主動同義工們娓娓道來佢哋嘅經歷同生活趣事。深水埗民政專員暨關愛隊總指揮王浩宇亦一齊探訪，同老友記傾吓偈，仲介紹咗關愛隊嘅服務。居民亦都積極向專員反映社區同埋居住環境方面嘅意見，例如分享點樣自製工具應付白鴿喺窗邊築巢嘅問題。
民政處期望關愛隊透過舉辦關愛行動，將社區嘅關懷傳遞到每家每戶，同時讓區內嘅社區網絡編織得更加緊密，凝聚社區力量，共建互助互愛嘅社區。
活動由深水埗麗閣小區關愛隊主辦。深水埗區議員以及小區關愛隊夥伴團體東莞社團總會代表都有一齊參加。
@ 