@ 
上星期六（6/9），九龍城民政助理專員胡皓文聯同九龍城區議員、啟德分區委員會委員、九龍城青年發展及公民教育委員會委員以及九龍城青年建設委員會委員，一行超過30人參觀「啟航1331」。大家除咗參觀驛站不同類型嘅房間同公共設施外，營運機構亦向大家介紹項目營運狀況同未來發展計劃。
「啟航1331」唔單止促進本地與內地及海外青年嘅交流，亦令啟德成為體育、文化及青年匯聚嘅地方，吸引更多人到訪啟德。項目亦將與鄰近嘅郵輪碼頭同啟德體育園等設施發揮協同效應，配合各個大型活動，進一步帶動啟德同九龍城區嘅經濟發展，打造更年輕、更有活力嘅啟德社區。
喺活動中，區議員同地區領袖就項目嘅交通、設施同活動等方面同營運機構深入交換意見。佢哋亦將協助推廣項目，讓更多地區團體認識「啟航1331」，讓更多活動喺「啟航1331」舉行，助力啟德成為青年同文化交流嘅聚集地。
九龍城民政處會繼續與各位議員、區內夥伴緊密合作，一同努力將九龍城區打造成為一個充滿機遇同活力嘅社區。
