@ 
今年青年節深水埗區嘅重點活動——別出「深」裁時裝設計比賽總決賽，日前(6/9)喺會展CENTRESTAGE圓滿舉行！
別出「深」裁時裝設計比賽嚟到第五屆，好高興喺時裝業界及年青人中逐漸取得知名度，已經成為深水埗民政處嘅年度品牌活動。
大會今年以「原·動·力」為主題呼應十五運會，將運動與時尚有機結合，設計出功能美感兼備嘅服裝。
12位總決賽參賽者首先要通過挑戰賽，參加工作坊將回收衣物升級再造，為4位分別來自體操、女子足球、泰拳及籃球代表隊嘅香港運動員重新塑造形象。時裝秀係總決賽嘅最後一環。參加者喺星級時裝設計師嘅指導下，經過幾個月嘅努力，透過針線將設計意念縫製成作品，為評審同嘉賓呈獻一場獨具匠心嘅時裝秀。
總決賽當日仲好榮幸邀請到民政及青年事務局 Home and Youth Affairs Bureau局長麥美娟、深水埗民政專員王浩宇、青年發展委員會副主席梁毓偉、深水埗區青年發展及公民教育委員會主席甄韋喬、及亞洲新一代創意設計協會創會主席何國鉦蒞臨擔任主禮嘉賓。
恭喜各位獲獎嘅時裝設計師！民政處寄望「別出『深』裁」能夠助力所有參賽嘅年青設計師喺時裝設計路上走得更遠，向着夢想繼續進發。
比賽由深水埗區青年發展及公民教育委員會、亞洲新一代創意設計協會合辦、深水埗民政處協辦、民政總署贊助。
@ 