@ 
啱啱過去嘅暑假 ，荃灣區舉辦咗「關愛應急滿荃城」防災應急推廣活動 ，活動探訪咗住喺區內舊式樓宇及寮屋區嘅長者 ，派發「防火三寶」 ，又到訪長者中心向長者宣傳家居防火信息 ，更喺海濱花園舉辦防災應急推廣活動 ，務求將防災知識帶到荃灣嘅每一個角落 。
為進一步提升關愛隊隊員及義工喺面對突發事故時嘅應變能力 ，消防處喺8至9月特別安排荃灣關愛隊參與「消防處社區應急先鋒」訓練 ，荃灣亦成為全港首個完成所有小隊訓練嘅地區 ！
作為「關愛應急滿荃城」系列活動嘅壓軸活動，荃灣民政專員區家盛9/9親臨現場，為學員打氣 。課程內容全面又實用，除咗學習防災應急知識 外，隊員更即場演練心肺復甦法 及自動心臟除顫器操作 ，由專業導師手把手指導 ，務求做到學以致用 。完成課程後 ，參加者更由消防處副消防總長(新界南)林建軍及消防處社區應急先鋒名譽會長(荃灣區)朱德榮頒發課程證書 ！
荃灣民政處將繼續攜手同 關愛隊、區議員及各部門，提前部署、多管齊下 ，全面提升社區防災同應急能力 ，確保荃灣市民安居樂業 ！
