@ 
喺9月5日，荃灣警民關係組去到石圍角邨，由 警民關係主任 陳學俊總督察帶領下，聯同石圍角邨關愛 隊隊長 文裕明、荃灣區少年警訊會員，耆樂警訊老友記以及荃承計劃嘅一眾成員。探訪石圍角邨內嘅獨居長者 ，送上精心準備嘅愛心福袋 ，將關愛溫暖傳遞出去 ，展現守望相助 嘅精神。
探訪過程中，荃灣耆樂 警訊會員除咗將最新嘅騙案 手法分享俾長者，更加透過防騙問卷形式誘導長者們提高防騙意識。一眾少訊 會員落手落腳為長者屋企進行簡單 清潔，以熱誠態度 向長者噓寒問暖。而荃承計劃Project Key 成員更加可以話係出心出力，為活動運送物資予長者，協助長者手機安裝上全新香港警察 流動應用程式「HKP Mobile App」，為長者們可以更加方便使用警隊及不同政府部門嘅優質嘅服務。
