@ 
北區民政處一直致力改善區內「三無」大廈嘅衞生情況 ，透過運用地區主導行動計劃撥款，每季清潔區內「三無」大廈嘅公用地方，為居民提供更潔淨、更舒適嘅生活環境。
由而家到2026年頭，清潔行動會陸續喺粉嶺聯和墟、上水石湖墟及沙頭角嘅「三無」大廈進行，受惠大廈達250棟 ，係歷年之冠 。第一輪清潔服務已經喺8月底率先喺粉嶺聯和墟開始咗喇！
除咗幫「三無」大廈嘅公用地方洗白白，我哋亦喺合適位置放置鼠餌裝置 ，又會喺樓梯及天台噴灑滅蚊水，務求杜絕鼠患，防止蚊蟲滋生，一齊預防基孔肯雅熱。我哋呼籲街坊成為居民聯絡大使 幫手成立法團，好好管理自己嘅大廈。
