@ 
近日，大埔民政專員Eunice聯同大埔青網海陸空青年義工團召集人張育文、青年領袖工作小組召集人梁中明、宣傳及推廣工作小組召集人葉昕，加上救世軍大埔長者綜合服務高級主任孫海東，率領超過30位大青義工同救世軍長者義工齊齊出動，探訪救世軍大埔長者社區服務中心以及寶鄉邨30多位老友記，佳節當前歡聚一堂，派送關愛，預祝中秋節快樂！
一眾義工首先踩單車 到大埔工業邨收集本地製造商提供嘅點心 、醬油 同乳酸飲品，然後前往救世軍大埔長者社區服務中心探訪老友記，同佢哋一齊玩遊戲同做健身操 ，仲將大埔工業邨收集嘅物資連同香港中華煤氣有限公司捐贈嘅月餅 及香港道教文化協會捐贈嘅愛心福袋 送畀佢哋！義工與一班老友記 玩遊戲、傾下計、唱歌仔 ，提早歡渡中秋佳節 ，預祝人月兩團圓，吉祥如意。
一眾義工之後聯同大埔墟小區關愛隊上門探訪大埔寶鄉邨嘅獨居長者及雙老家庭，細心了解佢哋嘅生活需要 ，並將誠意滿滿 嘅福袋同真摯祝福 帶畀佢哋，展現大埔青網熱心服務社區嘅精神！
