@ 
近日，北區民政處聯同北區敬老委員會合辦嘅「慶祝中華人民共和國成立76周年敬老開心騷」喺北區大會堂圓滿舉行。
北區民政專員卓穎然同一眾嘉賓為開心騷主禮，與北區居民一齊欣賞精彩表演，共賀中華人民共和國成立76周年，並祝願國家喺未來繼續繁榮昌盛、國泰民安。
「開心騷」節目豐富 ，除咗有歌手為觀眾獻唱多首經典金曲 ，亦有變臉 、魔術 、花式呼拉圈 、掌中木偶及舞蹈 等精彩表演 。壓軸表演仲有粵劇折子戲《狄青之猜心事》 ，現場氣氛熱鬧 ，一眾老友記睇到讚不絕口 ，歡度咗一個愉快嘅下午！
北區敬老委員會將繼續喺北區弘揚敬老、愛老嘅精神 ，希望長者能夠建立健康又充實嘅晚年生活。
