@ 
觀塘民政處、觀塘及九龍灣商貿分區委員會、觀塘區青年發展及公民教育委員會聯同麥當勞叔叔之家慈善基金今日（14/9）喺觀塘海濱活動空間合辦「玩轉觀塘 · 冒險『家』嘉年華 」 。
活動邀請咗勞工及福利局局長孫玉菡、觀塘民政專員何立基、中聯辦九龍工作部副處長余慶，同埋一眾嘉賓為嘉年華揭開序幕 。嘉年華有超過20個遊戲攤位，等大家認識「麥當勞叔叔之家」點樣支援病童家庭。我哋相信多一份理解，社區就多一份溫暖同包容。現場仲設有多個新興運動體驗區，宣傳第15屆全國運動會 。運動不但能強身健體，更能將唔同年齡、背景嘅市民聯繫起嚟，係促進社區和諧嘅重要橋樑！ 現場超過2000名市民都盡慶而回，過咗一個好有意義嘅下午。
同日上晝，麥當勞叔叔之家慈善基金同埋觀塘民政處亦合辦咗「 RMHC冒險『家』慈善定向賽」，希望透過輕鬆嘅方式帶出關懷病童家庭嘅信息 。過千位參加者同今年新設嘅汪汪組 成員，一齊用腳步為病童家庭打氣，完美體現咗社區關懷嘅力量！
