@ 
荃灣區19隊關愛隊喺2023年5月成立，並成為新界首區設立關愛隊 。過去兩年多，荃灣區各關愛隊一直積極與社區持份者建立跨界別協作，其中包括與區內中、小學及幼稚園 推動各式各樣嘅教育及社區參與活動，例如國民教育、政策宣傳 、節慶慶典 、義工培訓 、興趣班 ，以及長者探訪 等。依啲活動既有助學生全面成長、發掘潛能 ，亦融入咗教育局提倡嘅 項「價值觀教育」，協助同學建立正確嘅價值觀同態度 。
荃灣區關愛隊與各間學校合辦嘅活動內容包羅萬有，多彩多姿 ，當中包括：
參觀立法會及國家安全教育展
小小律師培訓班
親子教育工作坊 ：如何利用AI提升成績
越按越有LOVE・親子按摩同樂日
社區精神健康講座
歡笑SEN創未來 共融嘉年華
四海兄弟－文化共融創新天
義助長者潔家居
荃城健康巡禮
升學就業展覽會
……等等，涵蓋國民教育 、文化交流 、社區服務 、節慶活動 ，真係應有盡有！
衷心感謝每一位校長 、老師 、家長 及同學 嘅熱烈支持與積極參與！正因為有大家嘅投入，活動先可以順利舉行。活動不單加深學生對「國民身份認同」、「團結」 、「仁愛」 、「孝親」 等價值觀嘅理解，亦鼓勵佢哋貢獻社區 ，展現責任感與堅毅精神，共同營造荃灣區幸福溫暖嘅氛圍 ，令荃灣成為一個更有愛 ，更有溫度嘅社區！
未來，荃灣區關愛隊將繼續與學校同行 ，陪伴孩子成長 ，一同建設更美好嘅社區 。期望大家繼續支持 ，積極參與！
