@ 
「您的YouTube Premium訂閱已續訂，期限一年，費用HKD1168.00 。如需要取消請致電：[3844_4085] 」
小編收到呢個短訊 ，即刻彈出一百個問號「？？？ 」 明明就無join ！又想收多我錢 ？我諗大部分人收到都係呢個反應。但如果一旦打電話俾對方，就已經中咗騙徒陷阱嘅第一步喇！
過去一周，警方接報超過8宗有關YouTube Premium釣魚短訊騙案，總損失超過$87萬港元 。日前，有一名大學生收到短訊，內稱YouTube Premium已續訂並收取費用，如想取消要致電給對方。
他不虞有詐回電，對方自稱YouTube職員，並轉用WhatsApp與他聯絡，更表示如要取消訂閱 ，便要轉賬保證金作取消手續之用。最後，大學生轉賬共8次至對方的指定的戶口，其後對方失聯，損失超過$40萬港元 。
騙徒利用不同套路去接近目標群 ，漁翁撒網發送一些費用到期、樓下投訴漏水等的釣魚短訊 ，營造緊張感，再透過對話博取信任，令你墮入騙徒圈套。
如收到這類型的短訊，先冷靜看看短訊有否端倪 ，再向YouTube 官方渠道核實相關資料。若果好似佛系小編咁，從來都無（錢）join 過Premium 會籍，自然不需理會 。
如有懷疑，除了向官方機構查詢外，亦可在守網者網站（https://CyberDefender.hk) 用「防騙視伏器」或手機版「防騙視伏App」，輸入可疑網址， 一 check 便知有無伏！
立即下載防騙視伏APP：https://cyberdefender.hk/scameterplus/
@ 
@