@ 
由元朗區青年發展及公民教育委員會主辦、青晉文創協辦嘅公民教育系列軍營及抗戰遺址參觀活動已圓滿結束。元朗區嘅青少年係日前先後參觀咗石崗軍營、昂船州駐港部隊展覽中心同埋元朗山廈村張氏宗祠。
喺石崗軍營開放日，參加者親身參加咗莊嚴嘅升國旗儀式，欣賞精彩嘅槍械儀仗表演、刺殺操、套路表演、獵人戰鬥表演、同埋品嚐咗軍營食品，了解到軍人嘅專業同貢獻，又認識到國家日漸強大嘅軍事實力。
適逢今年係中國人民抗日戰爭 暨世界反法西斯戰爭勝利80周年，委員會又安排青少年參觀昂船州駐港部隊展覽中心，讓大家一起深入了解國家嘅奮鬥歷程，特別係抗日戰爭時期嘅艱苦歲月 。當中「強軍夢展廳」更展示咗抗日戰爭時期嘅歷史文物同珍貴照片 ，令大家認識到當年抗戰嘅艱辛 ，並深刻感受到當年軍民同心、共赴國難嘅偉大精神 。此外，大家透過參觀亦都認識中國人民解放軍駐香港部隊 多年來為香港特區嘅穩定同發展所作出嘅重大貢獻。
為咗加深參加者對抗日事蹟嘅認識，委員會更安排參加者到訪元朗區內嘅抗戰遺址山廈村張氏宗祠 ，焦點講解香港抗日戰爭嘅歷史 。宗祠內更展示咗關於抗日戰爭嘅文物同資料 ，宗祠嘅外牆亦留低當年抗日戰爭嘅子彈痕跡 。參加者通過參觀呢啲珍貴嘅歷史遺跡，了解當年中國人民如何奮勇抗敵，保家衛國 。老戰士嘅後人更詳細講解咗張氏家族喺抗日戰爭中嘅貢獻，令青少年們對抗日戰爭有更深切嘅了解同體會。
今次活動能夠順利舉行，特別要感謝中國人民解放軍駐港部隊嘅安排 及張氏後人元朗區議員張偉琛嘅講解 ，令元朗區嘅青少年得以進一步了解國家嘅歷史同成就，尤其係抗日戰爭時期嘅崢嶸歲月，希望大家都能夠心繫家國 ，繼續為香港嘅繁榮穩定出一分力！
@ 
@