灣仔區少年警訊《夏日祭 · 洛陽篇Day 2》

8月6日,WCH JPC 嚟到中國六大古都之一嘅「開封」,喺開封處處都可以見到有人古裝打扮,JPC們都以為自己穿越左呀!
首先第一站嚟到「包公祠」,係為紀念宋朝著名清官包拯而建嘅!電視睇就睇得多包公喇,大家對佢印象都係執法明,同埋佢「黑蚊蚊」嗰塊面,咁究竟佢塊面係咪真係咁黑架呢?參觀完包公祠,各位都搵到答案喇!睇過包青天嘅畫像,原來佢喺眉清目秀嘅「白面書生」!黑面只係為咗突顯包公不畏權貴、鐵面無私嘅形象!
第二站「龍亭公園」走過一條筆直嘅大道,再行上72級階梯,就到龍亭大殿喇!各位WCH JPC企係大殿之上,眺望住古都開封,感受一下寧靜先啦!
嚟到今日最後一站景點,宋代文化主題公園「清明上河園」,同時都係國家5A級旅遊景區!清明上河園以畫家張擇端嘅寫實畫作清明上河圖為藍本。🎡河園真係好大呀!一日都行唔完,呢到風景如畫,大家都揸緊時間周圍打卡同埋沈浸喺傳統文化裏面!

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *