@ 
為慶祝國慶76周年，北區民政處、香港新界北區廠商會、祥華賢毅社20/9聯合舉辦「共賀國慶 電影分享躍北區」，與300名市民一齊欣賞電影 、學習歷史 、共賀國慶！
電影分享活動喺聯和墟社區會堂舉行，播放咗內地紀錄片《九零後》。呢套電影屢獲殊榮，包括第三十四屆中國電影金雞獎- 最佳紀錄片/教科片 。故事透過16位年齡超過90歲「90後」嘅西南聯合大學（聯大）校友 口述歷史 ，佢哋喺抗戰期間，千里迢迢 去到聯大，努力求學成為專家學者 嘅經歷。其中一位主角仲係諾貝爾物理學獎得主 楊振寧。一代知識份子喺戰亂中堅持追求學術理想 、報效祖國 ，展現年青學者深厚嘅愛國情懷，令觀眾感到無比自豪，有所感悟。
主角喺電影中憶述佢哋喺大學被佔領後，徒步南行兩個幾月，最終抵達雲南昆明臨時組建嘅聯大 。戰亂中求學問道、讀書報國嘅片段，讓觀眾明白國家安全係人民生活安泰 嘅根本。我哋要珍惜祖國得來不易嘅繁榮安定 ，年青一代更應該自強不息，為建設祖國貢獻力量。
