@ 
尋日(18/9)，黃大仙區撲滅罪行委員會及黃大仙警區合辦「防騙宣傳雪糕車」活動 ，向市民推廣防騙滅罪資訊，提醒大家保持警覺及提防騙案，保障個人嘅財產安全 ！
黃大仙民政專員Thomas、黃大仙警區指揮官楊鎮波總警司、黃大仙區撲滅罪行委員會主席何漢文，聯同一眾委員及警民關係組同事走訪黃大仙大成街街市一帶，派發雪糕、宣傳刊物 、印有防騙訊息嘅雨傘 ，同埋提子造型嘅小手巾等紀念品，藉此呼籲商戶、學生及街坊提高防騙意識。除咗要防範舊式騙局，更要提防新嘅詐騙手法出現，大家喺日常生活中要多啲留意可疑嘅地方 ，避免受騙！
騙徒嘅手法層出不窮 ，市民一不留神隨時墮入網上情緣陷阱、高佣金及高回報嘅投資計劃 、網上購物或求職騙案等。如有懷疑，即打防騙易熱線18222 ，或即上守網者網站https://cyberdefender.hk 嘅「防騙視伏器」或手機應用程式「防騙視伏App」，以作詐騙風險評估 。
黃大仙民政處會繼續同警務處合作 ，強化防騙教育及宣傳，並透過不同方式將防騙信息與市民嘅日常生活連繫起來，令大家更容易明白呢啲資訊，唔畀騙徒有機可乘 ！
@