@ 
財政司副司長黃偉綸8月6日聯同民政及青年事務局局長麥美娟、發展局局長甯漢豪、保安局副局長卓孝業、多位部門首長，以及中聯辦副主任尹宗華及經濟部副部長呂峰，出席喺荃灣舉行嘅中國建築社區應急義工隊成立儀式。
荃灣民政專員區家盛、荃灣多位區議員及關愛隊代表 亦有出席支持，與在場百多位充滿愛心嘅義工 ，一齊見證 呢支大型企業嘅全港性社區應急義工隊成立 ，令義工服務更制度化，以派出專業技術人員及資源支援各項社區應急工作。
中國建築一直大力支持荃灣區多支關愛隊，派出義工積極參與家居支援服務。過去一年多次颱風 暴雨 中，亦以專業技能支援社區應急工作，例如喺颱風後到荃灣郊區清理塌樹，向社區傳遞愛心 及正能量 ，深獲居民讚賞。
事實上，不少荃灣關愛隊獲各個企業支持。荃灣民政處表示將繼續與關愛隊、相關企業及地區人士緊密聯繫，向市民「荃」遞關愛 ，齊心合力 ，發揮政商民合作精神，為市民建設幸福社區 。
@