@ 
為慶祝祖國成立76周年呢個重要日子，大埔各界國慶籌委會尋日（25/9）於大埔社區會堂舉辦國慶酒會 ，場面熱鬧溫馨，充分展現大埔社區嘅凝聚力與活力 。
酒會邀請到中聯辦新界工作部副部長王卉、大埔各界協會永遠會長張學明、大埔各界國慶籌委會主席李細燕、大埔民政專員陳巧敏、多位政府部門及地區代表擔任主禮嘉賓。各界朋友齊聚一堂，除咗回顧祖國76年來嘅輝煌成就，亦向參與及協助籌備國慶活動嘅團體頒發紀念狀，感謝佢哋對社區嘅無私付出與貢獻。
十一國慶，既係大埔區眾人共同慶祝祖國進步與繁榮嘅時刻，亦係一次社區團結嘅展現。大埔區將於星期六（27/9）晚上七時半舉辦「大埔賀國慶76周年林村河水上舞台暨煙火匯演」，為今年大埔區一系列國慶活動，包括升旗禮、國慶曲藝匯演、國慶盃乒乓球團體賽等連串活動揭開序幕，讓廣大市民共同喺喜悅中為建設國家同香港更美好嘅未來努力。
