@ 
沙田民政處於18/9及25/9喺圓州角社區會堂舉辦「沙田區大廈管理證書課程2025」，吸引咗50多名區內法團代表參加。課程邀請到律師、專業人士，以及政府部門代表主講 。參加嘅業主反應熱烈 ，沙田多位區議員、關愛隊及「三會」成員積極參與，大家專心聆聽、踴躍發問！
兩晚課程已順利完成！感謝各位嘉賓講者及參加者嘅熱情參與！ 沙田民政處回顧課程精華 ：
法例更新知多啲
陳家樂律師詳細講解喺今年7月實施嘅《2024年建築物管理（修訂）條例》，並透過真實案例分享，幫助大家輕鬆掌握最新法規！
調解技巧學起來
香港和解中心理事梁鏜烈博士分享大廈管理調解嘅實戰經驗，傳授化解鄰里糾紛嘅方法，助力共建和諧社區！
裝修安全要注意
勞工處及職業安全健康局專家實用教路：裝修維修嘅安全須知 ，如何揀選合適嘅承建商 ，保障自己與鄰居嘅安全！
社區環境齊改善
食物環境衞生署分享環境衞生及防治蟲鼠嘅實用貼士 ，水務署介紹「水安全計劃資助計劃」 等大家住得健康又安心！
完成兩日課程嘅參加者獲頒出席證書 ，感謝各位參與 ！
齊心學更多，社區更美好！沙田民政處會繼續努力，同大家攜手共建更美好嘅沙田！
@ 
@