@ 
正值2024奧運，其實8月7日亦係2025年成都第12屆世界運動會倒數一周年！成都世運會「世界運動會香港巡迴賽2024」亦舉行發佈會，大埔民政處將出任世運會香港巡迴賽2024社區夥伴，一同以運動聯繫社區！
文化體育及旅遊局副局長劉震、成都市宣傳部部長辜學斌、中聯辦宣傳文體部副部長孫兆敏、立法會議員霍啟剛、世界運動會香港巡迴賽籌委會顧問霍啟山、以及大埔民政專員陳巧敏出席發佈會。世運會香港巡迴賽將於今年10月11日至13日喺大埔區西沙全新運動場地GO Park Sports舉行，屆時將有過百位來自世界各地嘅精英運動員，喺三個運動項目——啦啦隊、武術及自由式直排輪滑，角逐獎牌同成都世運入場券！
大埔民政處一向支持區內體育活動發展。今次作為世運會香港巡迴賽2024嘅社區夥伴，將會派出大埔區青年網絡青年義工協助香港巡迴賽，並透過關愛隊同社區網絡組織區內弱勢社群參與今次嘅大型體育盛事。同場設有運動繽紛嘉年華，10月11日約定你！
