@ 
葵青警區聯同一眾葵青區區議員、少年警訊及耆樂警訊會員 ，喺9月18至22號一連五日，展開一連串禁毒宣傳活動 ！今次特別安排毒品調查科與浸會大學化學系團隊合作研發嘅「仿製毒品氣味體驗裝置」 ，等大家親身辨識大麻、可卡因、氯胺酮(K仔)、冰毒、依托咪酯等常見毒品氣味，提升禁毒意識 。
活動走訪多個地點及學校，同學生、家長、街坊齊齊加強禁毒知識、辨識毒品氣味及了解吸毒禍害：
9月18日：中華傳道會李賢堯紀念中學、葵盛西邨、慈幼葉漢千禧小學、石蔭邨
9月19日：大窩口邨、荃灣商會學校、青衣IVE
9月20日：長發商場外、長宏邨
9月21日：青衣城外
9月22日：獅子會蔣翠瓊中學、長康邨
我哋希望透過講座、攤位遊戲同仿製毒品氣味等互動體驗，讓青少年同家長攜手認清毒品禍害，向毒品說不 ，並建立健康人生 。
想了解更多防毒資訊，成為禁毒領袖嘅一份子？第五屆「禁毒領袖學院」現正招募中！ 呢個由警務處毒品調查科成立嘅計劃，專門培育青年成為禁毒領袖，加入後仲有機會去內地考察同贏取獎學金 。立即行動，一齊成為禁毒先鋒！ 計劃詳情同報名可以瀏覽
https://www.police.gov.hk/....../04....../drug/lion.html
@leadershipinstituteonnarcotics
@ 