@ 
離島民政處喺26/9舉行「慶祝中華人民共和國成立76周年酒會」 ，民政總署副署長王婉蓉、中聯辦新界工作部副部長王卉、離島民政專員楊蕙心，仲有一眾地區領袖、社會賢達同埋政府部門代表聚首一堂，大家齊齊賀國慶 。
專員除咗送上對祖國嘅祝福，祝願祖國更加富強 、國泰民安 、香港和諧穩定外 ，亦特別多謝過去一年離島各界對政府地區工作嘅支持 。無論係區議會、「三會」、關愛隊、地區人士定係唔同政府部門，都為建設更美好嘅社區盡心盡力。日前超強颱風「樺加沙」襲港，離島面對前所未有嘅挑戰，全賴大家齊心合力 ，最終能夠順利過渡。
離島民政處會繼續秉持「民政幫到你」嘅精神，充分發揮區議會、「三會」同關愛隊嘅作用，繼續服務街坊、造福社區，齊齊建設一個更加美好和諧嘅離島 。
祝祖國國運昌隆 ，香港百業興旺 ，離島風調雨順 ，同時預祝大家中秋節快樂，人月兩團圓 ！
@