@ 
為慶祝中華人民共和國成立76周年，沙田民政處喺28/9聯同心意習喺沙田大會堂廣場(百步梯)舉行「國慶文旅巴士遊@沙田」啟動禮同首航 。
啟動禮邀請到行會召集人葉劉淑儀議員、中聯辦新界工作部副部長朱宜華、沙田民政專員余懷誠、沙田警區指揮官陳樂生、沙田各界大聯盟主席潘國山、沙田各界慶委會主席莫錦貴主持 。儀式先由社區應急輔助隊小龍隊展示國旗，在場嘉賓及市民一同奏唱國歌，再由眾嘉賓進行剪綵 ，場面歡欣熱鬧 。
作為首次將雙層開篷巴士 開到沙田地標——新城巿廣場百步梯前，好多街坊及旅客都爭住同開篷巴士 影相 ！文旅巴士遊首航有約20位來自香港城市大學嘅留學生 同30多位街坊參加。大家一路坐住開篷巴士欣賞沙田美景，聽着導賞，心情十分雀躍，小朋友仲忍唔住大聲歡呼 ！
今次活動以一個特別方式 慶祝國慶76周年。趁住國慶佳節，旅客 、沙田 居民及來港就讀留學生可以搭開篷巴士遊沙田 ， 途經沙田多個特色景點，包括車公廟、曾大屋、香港文化博物館、沙田馬場 、科學園 等。藉由導賞員介紹沙田嘅歷史及文化 ，文旅巴士遊可以推廣沙田區嘅名勝，亦推動區內旅遊經濟 。
「國慶文旅巴士遊 @沙田」將於10月2日至5日期間共8班車，報名反應踴躍 ，部分班次仲有少量名額，有興趣嘅市民或旅客可以掃一掃海報上面嘅QR code報名 ！
