@ 
為慶祝中華人民共和國成立76周年，葵青民政處喺區內多個地點布置咗燈飾同國旗區旗 ，讓葵青區洋溢住濃厚嘅賀國慶氣氛！
今年嘅國慶燈飾集中喺葵芳站對出嘅葵青鐘樓及鄰近休憩處。適逢香港喺11月首次承辦全運會和殘特奧會，燈飾主題結合「國慶x熊貓 x全運會 」元素。深受港人歡迎嘅熊貓家族以本港承辦嘅6項競賽項目為造型，包括: 場地自行車 、三項鐵人 、擊劍 、沙灘排球 、保齡球 以及籃球 ，兼備可愛和活力。祝願每位代表香港出戰的運動員享受比賽過程之餘，更獲取佳績 ，為港爭光 !
國家安全係安邦定國嘅基石，葵青民政處亦透過「國安、家安、民安」嘅燈飾裝置，繼續加強市民嘅國安意識。葵青區多個地標更化身成霓虹燈畫，配以七彩閃爍嘅煙花圖案作點綴 ，寓意葵青區發展朝氣蓬勃、欣欣向榮 。
此外，葵青區嘅9個社區會堂/中心 亦展示咗祝賀國慶嘅巨型橫額及國旗、區旗布置；40個避雨亭張貼咗國慶海報；各主要道路亦都掛上燈柱彩旗。青衣鄉事委員會更精心製作大型慶祝花牌；葵青發展義工團亦齊心響應，喺區內主要街道懸掛慶祝橫額。區內企業同心協力，匯聚政、商、民三方力量 ，分別喺廠房外及集團大廈嘅巨型電子屏幕展示大型賀國慶橫額；再加上新都會廣場行人天橋上掛滿絢爛嘅燈串 ，國慶氣氛滿溢葵青區！我哋一同祝願偉大祖國富強昌盛 、國泰民安 ！歡迎各位市民蒞臨葵青區觀賞裝飾同打卡影相 ，一齊慶祝中華人民共和國成立76周年
葵青民政處亦聯同多個地區團體合辦一系列「國慶七十六周年 葵青同心齊歡慶」活動，同市民開心賀國慶 。活動詳情如下：
親子同樂日暨才藝表演
27/9（六）@青衣西南體育館 下午2時至5時30分
金曲同心頌中華
30/9（二）@葵青劇院演藝廳 晚上7時至10時30分
葵青區升旗禮
1/10（三）@長發體育館 上午11時至下午1時
金曲妙韻慶國慶
1/10（三）@ 葵青劇院演藝廳 晚上7時至10時30分
舞蹈匯演
11/10（六）@佛教林金殿紀念小學 上午9時至下午1時
國慶盃足球賽2025（決賽）
25/10（六）@興芳路硬地足球場
