@ 
中秋節係中華文化中團圓嘅象徵，寄寓「花好月圓人團聚」嘅願望。
今日(30/9)，深水埔街坊福利事務促進會趁住別具人情味嘅節日，舉辦「賀國慶 迎中秋」活動，向街坊派發月餅同埋文旦。月餅源自古代祭月習俗，寓意團圓美滿；文旦自帶清香且外觀金黃，寓意吉祥如意。
深水埗民政專員王浩宇及多名區議員都有到場支持活動，向居民親手送上節日祝福，又同街坊們傾吓偈 。街坊會希望透過活動營造節日氣氛，讓居民能夠感受到社區就如一家親嘅溫暖同關愛，寄意「月餅雖小，情意萬千」！
嚟緊中秋節前夕大家諗好去邊未呢？深水埗區嘅品牌活動 — 「嚟深水埗Hea吓」將於10月5日舉行。周日同屋企人嘆完一盅兩件，不妨嚟到基隆街Hea吓，喺鬧市之中放慢腳步，享受同家人共聚天倫嘅美好時光啦！
【節目預告：中秋節嚟深水埗Hea吓】
日期：10月5日
時間：14:00-17:00
地點：深水埗基隆街155至190號（石硤尾街至南昌街）對出路面
精彩內容：賞燈籠、嚐飲品、猜燈謎、影靚相、睇表演（率先話你知，今次有香港城市大學舞團嘅舞蹈表演啊! ）
@ 