@ 
為慶祝中華人民共和國成立76周年嘅大日子，深水埗區內各處已經換上閃亮繽紛嘅節慶裝飾，務求讓居民能夠感受到濃厚嘅節日氣氛。
適逢全運會即將喺11月揭幕，籌委會喺燈飾設計上落足心思，特意喺長沙灣政府合署對出嘅燈畫加入全運會運動項目嘅圖案 ；另外，仲加添咗國家引以為榮嘅高鐵建設同埋國寶熊貓圖案 ，寓意國家繁榮昌盛 。
除咗長沙灣政府合署對出嘅燈畫外，下列各處都有不同嘅裝飾：
深水埔街坊福利會小學天台由學生們親手掛上嘅國旗區旗
長沙灣道、世紀大橋色彩斑斕嘅燈飾
九龍工業學校鮮艷奪目嘅巨型橫額
荔枝角道、長沙灣道、東京街、大埔道、南昌街一帶連綿嘅彩旗
國慶佳節又點少得精彩嘅慶祝活動！今年深水埗區嘅亮點活動名為「全『深 』躍動賀國慶」，有幸邀請到世運會太極拳太極劍金牌得主楊頌熹同埋武術女子長拳劍術金牌得主沈曉榆蒞臨表演武術，同場亦有運動推廣體驗環節，等大家可以一同回顧國家喺運動領域嘅非凡成就！
10月1號下晝喺深水埗體育館，約定你。
全「深 」躍動賀國慶
日期：十月一日
時間：下午2時至6時
地點：深水埗體育館
@