@ 
為慶祝76周年國慶及紀念中國人民抗日戰爭勝利80周年，道教香港青松觀聯同轄屬學校9/29舉行升旗禮暨東江縱隊港九獨立大隊抗戰歷史展覽開幕禮。活動由民政總署副署長王婉蓉、中聯辦協調部副部長陳澤濤、屯門民政專員關可臨、中聯辦新界工作部處長廖銘華、屯門警區指揮官馬偉卿、消防處分區指揮官（新界西）黃宇輝及教育局總學校發展主任韓憲茵擔任主禮嘉賓。
活動嘅其中一個亮點，係香港沙頭角抗戰紀念館館長黃俊康博士嘅專題講座。歷史展覽於9月29日至10月5日喺青松觀綜合大樓禮堂持續展出，歡迎大家參觀。
另外，屯門民政處聯同屯門區國慶委員會尋晚亦喺屯門大會堂演奏廳合辦「慶祝國慶76周年文藝晚會」，同屯門街坊共聚同歡。屯門國慶委主席劉業強議員、屯門民政專員關可臨、中聯辦新界工作部處長李成德，聯同國慶委員會副主席兼活動召集人林德亮及多個政府部門代表出席主禮。
活動由精彩醒獅表演打響頭炮，仲有中國民歌演唱及民族舞蹈表演，充分展現中華文化嘅博大精深，再由影視紅星為大家獻唱流行金曲。現場超過1,300 名觀眾都熱情高漲，掌聲如雷。
嚟緊屯門區仲有好多其他精彩嘅國慶活動，同各位市民齊賀國慶。大家記得密切留意喇！
@ 