@ 
近日，大埔管弦樂團獲邀喺港交所為「香港金融服務界慶祝中華人民共和國成立七十六周年國慶酒會」 擔任壓軸表演嘉賓。表演後現場掌聲雷動，大獲好評！
大埔管弦樂團成立短短一年內，已進行多個標誌性嘅表演項目，包括今年4月大埔區國家安全教育日活動與港區人大代表鄺美雲合作演出《我們的家》、9月於大埔慶祝國慶76周年水上舞台匯演演出等。
樂團由指揮、領班，以及樂手都是大埔區年青人。樂手主要為小五至高中生，年紀輕輕但刻苦勤學，追求卓越；成功把握住一次又一次難得嘅機會展現佢哋努力嘅成果。突破自己，臻善臻美，就係大埔區精神！
大埔區喺推動地區藝文發展不遺餘力；今年九月中一連兩日喺大埔藝術中心舉行「大埔區管弦樂大師班暨音樂營 」。活動導師陣容星光熠熠 ，邀請咗著名音樂教育家及指揮家何嘉盈博士(Dr Jennifer HO)、香港中文大學音樂系校友會主席 鋼琴王子陳雋騫、音樂大師麥家樂及廖晃業。導師為60位來自不同學校嘅中小學生提供專業管弦樂訓練嘅體驗！
管弦樂訓練不單讓學生獲得提升音樂造詣同合奏 嘅機會，更能訓練團隊合作、自律、以及面對壓力嘅能力；以專業音樂訓練體驗成就出全人發展理念。
大埔管弦樂團能夠以藝文力量凝聚區內青年並獲得社區的認同，衷心感謝大埔區文藝協進會會長李細燕、主席林廣輝、大埔管弦樂團負責人張麗珠校長，以及大埔中學校長會郭永強校長全力協助管弦樂團的籌組工作。而至關重要嘅當然係各位年青樂手嘅積極投入，以及各位樂手嘅家長全力支持和配合！
大埔區管弦樂大師班暨音樂營由大埔區文藝協進會主辦，香港青島總會協助統籌以及民政總署青年發展計劃(地區青年活動)撥款支持。
