@ 
由葵青婦女網絡主辦、葵青民政處支持、民政總署社區參與計劃資助嘅「慶祝中華人民共和國成立76周年暨共賞中秋月」活動，已經喺葵青區五個分區圓滿舉行 。五場活動共吸引逾2000名居民參與，大家歡聚一堂 ，分享中秋將至嘅喜悅 。
中聯辦新界工作部副部長朱宜華、葵青民政助理專員溫悅婷、多名葵青區議員、地區「三會」主席及地區賢達蒞臨擔任27/9活動嘅主禮嘉賓。大會更邀請人氣歌手演唱 ，帶動現場熾熱嘅氣氛！其他精彩節目包括醒獅表演、由區內小學生演出嘅中國舞及霹靂舞 、婦女團體合唱 、中樂二胡及古箏演奏、粵曲、太極 及雜耍 等。 精彩節目令觀眾目不暇給 ，台下掌聲不絕 。
適逢國慶76周年，大會特意準備華服體驗及 中秋主題打卡位 畀參加者拍照留念，藉此提升居民對傳統文化嘅認識及對國家嘅歸屬感。同場更設有中華文化手作攤位，包括：彩虹書法、DIY設計燈籠等，加上深受小朋友歡迎嘅臉部彩繪、跳彈床及平衡車遊戲，大小朋友都樂在其中！參加者更獲贈小燈籠及 熊貓主題嘅紀念品，人人滿載而歸。
祝願各位市民 花好月圓人團圓，幸福安康樂綿延 ！葵青民政處將繼續與各地區團體攜手合作，舉辦更多具特色嘅節慶活動，提升市民嘅幸福感 及地區嘅凝聚力 。
