@ 
熱烈慶祝中華人民共和國成立76周年！深水埗區國慶歡樂氣氛濃厚，除咗街道上有亮麗嘅節日裝飾外，今個星期亦有多個國慶慶祝活動。一齊回顧吓活動嘅精彩片段啦！
1. 全「深」躍動賀國慶
為慶祝國慶76周年及迎接第15屆全運會，今日（1/10)深水埗民政處聯同深水埗居民聯會、青途發展社區發展協會及九龍社團聯會深水埗地區委員會喺深水埗體育館邀請咗兩位世運會金牌得主楊頌熹及沈曉榆到場表演武術，同場更加可以試玩唔同運動，包括武術、單車、小型網球、象棋、鐳射槍、硬地滾球、手球及霹靂舞等。現場無論係大人小朋友都玩得好投入，小朋友喺度模仿武術動作同舞蹈耍得有板有眼。專業運動員仲即場指導一眾嘉賓嘗試手球、鐳射槍、武術同小型網球添。
文化體育及旅遊局副局長劉震、中聯辦九龍工作部副部長李文彬、深水埗民政專員王浩宇、立法會議員暨青途執行委員會主席鄭泳舜、立法會議員暨深水埗居民聯會副理事長梁文廣、立法會議員陳凱欣、深水埗居民聯會理事長陳偉明、香港煙台同鄉聯誼會會長蓋相宇等一眾嘉賓都有親身出席支持活動。
2. 「遊歷深水埗」探索李鄭屋漢墓
為慶祝國慶76周年及李鄭屋漢墓發掘70周年嘅雙重盛事，日前（27/9）深水埗民政處聯同古物古蹟辦事處舉辦咗一系列考古遊蹤活動，包括有導賞團、講座、漢代造紙術及陶藝工作坊。大家除咗欣賞到漢墓出土嘅三足陶鼎及青銅器之外，仲可以親手製作古代工藝品，穿梭古今感受漢代文化嘅魅力。活動吸引咗唔少一家大細同三五知己參加，齊齊發掘考古歷史嘅樂趣，同埋了解早喺二千年前已經建立、源遠流長嘅嶺南文化。
感謝前香港歷史博物館館長鄒興華教授精彩詳盡嘅導賞。深水埗民政專員王浩宇亦有出席活動，一齊探索來自東漢時期嘅中華文化寶庫。
嚟緊星期六，深水埗區仲有國慶中秋文藝晚會，希望到時見到大家！
慶祝國慶76周年中秋迎月文藝晚會
日期：10月5日(日)
時間：18:30-22:00
地點：保安道遊樂場
