@ 
文化體育及旅遊局在社交平台撰文表示，今日（10月2日）係一連八日內地國慶黃金周嘅第二日 ! 旅遊事務專員Angelina尋日已經去咗山頂纜車站同埋沙田馬場，今日繼續去唔同嘅旅遊景點視察 。
Angelina今日去咗海洋公園、西九文化區故宮文化博物館、香港迪士尼樂園同埋昂坪360。各個景點都人頭湧湧，非常熱鬧，運作亦相當暢順 ! 呢幾個人氣景點喺黃金周期間都有特別佈置，鍾意打卡留念 嘅旅客千祈唔好錯過！
Angelina 喺各個景點見到來自內地唔同省市同埋外地（包括澳洲、紐西蘭、印度、美國、日本等）嚟嘅旅客，除咗家庭客，亦都有學校安排嚟嘅研學團。佢地大多數會逗留喺香港三至五日，去唔同地方參觀同埋遊玩。Angelina 歡迎佢地嚟到香港，並同佢地介紹唔同景點，盡情感受香港「無處不旅遊」嘅獨特魅力，同時邀請佢地再次到訪！
@ 
@