@ 
家用火警偵測器可以喺火警發生初期發出警報，畀居民有更多時間疏散，不致因濃煙同高溫而無法逃生，令居民嘅生命同財產得到更好保障。
中西區民政處、中西區防火委員會及地區團體「山水摯友」一直關注區內消防安全，最近更合辦送贈家用火警偵測器嘅關愛行動。透過中西區地區主導行動計劃，向有需要家庭（包括「三無大廈」住戶、獨居長者及弱勢社群）免費派發及安裝家用火警偵測器。
中西區民政專員梁子琪於5/8聯同中西區區議員、防火會委員、關愛隊成員及大廈法團代表向業戶派發及安裝家用火警偵測器。民政處仲邀請埋香港消防處 Hong Kong Fire Services Department代表一齊派發防火三寶（家用滅火筒、滅火氈及火警偵測器），並即場向居民講解裝置嘅運作原理同注意事項。
希望今次嘅關愛行動可以向有需要街坊送上關愛，更可加強保障市民寶貴嘅生命及財產。中西區民政處同防火委員會會繼續努力，舉辦各項宣傳活動，提升區內嘅消防安全 ！
