@ 
不經不覺，好快又會過中秋 ！秋風起 ，大家更要加強防火意識，小心火種 ！近日，北區民政處聯同香港消防處新界北總區 、北區防火委員會 ，就去咗粉嶺聯和墟嘅舊樓做家訪 ，並向住戶派發「防火三寶」套裝，提升居民嘅防火意識 。
「防火三寶」套裝️ 包括小型滅火筒 、滅火氈以及獨立火警偵測器 ，係非常有效嘅法寶 小型滅火筒體積細細，可以放喺方便使用嘅地方，防火氈就可以掛喺廚房爐頭旁 備用，而獨立火警偵測器就可以免打孔裝喺牆上或天花板，當偵測到火警 時會發出警報 提示住戶。如遇突發情況 ，防火三寶絕對可以幫忙撲滅火警 ，拯救生命。
喺活動當日，北區民政專員卓穎然、 消防處分區指揮官(新界北)黃宏亮、分區副指揮官(新界北)張肇賢、北區防火委員會主席李聖潑及副主席楊文聰及消防處社區應急先鋒名譽會長會(北區)主席彭振聲，向粉嶺聯和墟舊式大廈 有需要人士派發「防火三寶」 ，而消防人員亦即時幫住戶 安裝獨立火警偵測器 ，一齊向居民宣揚消防安全嘅重要性 ，推廣家居防火知識 ，提升消防安全水平 。
(活動派發嘅「防火三寶」由賽馬會慈善信託基金贊助及消防處統籌)
最後提提大家，嚟緊中秋佳節 記得要小心火種 ，慎防火警。祝願大家中秋快樂、人月兩團圓。
