@ 
喺9月30日(星期二)荃灣萌兒幼稚園一班活潑可愛嘅K3學生 就嚟到荃灣警署進行參觀警署嘅活動。
活動內容包括參觀報案室 及了解報案程序。警隊資訊介紹，透過問答環節向小朋友 介紹不同部門警務人員嘅工作，估唔到人仔細細嘅K3學生 都好踴躍答問 ，互動交流。之後，透過指模 工作坊，了解警務人員如何透過指模協助破案 ，仲可以製作獨一無二嘅指模 書籤 。
認識警務工作點可以少得介紹警察日常巡邏裝備 ，仲可以試坐警車 同影相留念 ，最後每個學生仲可以得到警區獨有紀念品 。
荃灣警區透過參觀活動希望令學生深入了解警隊 警務工作之餘，從小培養防罪及守法意識 ，宣揚撲滅罪行嘅重要性。
