@ 
今年係中華人民共和國成立76周年，為咗將歡樂 氣氛帶到社區 ，葵青民政處與多個地區團體，包括葵青發展義工團、葵青工商業聯會、香港工商總會(葵青分會)、葵青青年團、青衣鄉事委員會及葵青婦女網絡攜手 合辦一連串以「國慶76周年 葵青同心齊歡慶 」為主題嘅慶祝活動，與市民分享國慶嘅喜悅 ，發揚愛國精神。葵青民政專員梁乘龍、中聯辦新界工作部副部長朱宜華、港區全國人大代表兼立法會議員陳勇、立法會議員陳恒鑌、陳穎欣、一眾葵青區議員、社區賢達及政府部門代表等亦親臨各項活動擔任主禮嘉賓。
升旗禮：
1/10早上喺長發體育館舉行隆重嘅升旗儀式。典禮期間，專員致辭並分享咗國家嘅輝煌 成就以及葵青區對香港嘅物流產業及創新科技 領域擔當重要角色同貢獻，積極發揮香港「背靠祖國、聯通世界」 嘅優勢。喺地區治理方面，葵青民政處以「為民造福」為宗旨，致力建構和諧社區，提升巿民嘅幸福感同獲得感 。隨後，主禮嘉賓主持啟動儀式並以金砂及彩球建構字型嚟表達對祖國嘅祝福，亦寓意喺社區各界同心協力，共創未來，為國家現代化發展貢獻力量。升旗典禮後亦安排咗區內學生表演及舞龍 舞獅 助慶，展現葵青嘅活力及社區和諧共融嘅成果。
親子同樂日暨才藝表演 ：
27/9下午喺青衣西南體育館內舉行「親子同樂日暨才藝表演 」，當日嘅節目豐富多采，有區內學生 帶來精彩嘅舞蹈 、粵曲 及音樂表演，場內還設有以親子為主題嘅攤位遊戲 及充氣彈床，與眾同樂，藉國慶活動嘅契機將中華傳統美德、優良家庭教育及愛國愛港情懷傳播至社區每一個角落及年輕一代嘅心中 。
金曲同心頌中華及金曲妙韻慶國慶 ：
30/9及1/10喺葵青劇院分別呈獻兩場精彩嘅國慶金曲晚會 。晚會除咗邀請多位歌星藝人 獻唱膾炙人口嘅經典金曲外，仲有薈萃中西文化特色嘅綜合表演，包括中樂 、粵劇 、拉丁舞 、魔術等，節目包羅萬有，目不睱給。場內掌聲不絕 ，觀眾都喺歡愉嘅氣氛中渡過難忘嘅國慶假期。
活動預告 ：
10月11日 (星期六)：舞蹈 匯演 @佛教林金殿紀念小學 上午9時至下午1時
10月25日 (星期六)：國慶盃足球 賽2025 (決賽) @興芳路硬地足球埸 上午10時至下午5時
葵青區慶祝祖國76周年活動一浪 接一浪，約定你哋，一齊參與多姿多采嘅慶祝活動 ，感受濃厚嘅國慶歡樂氛圍。
葵青民政處會繼續以民生福祉 為依歸，共同構建關愛共融嘅美好社區。祝願國家富強昌盛、香港繁榮穩定、百業欣欣向榮、葵青政通人和，居民安居樂業 ！
