@ 
嚟到洛陽嘅第四日，發覺原來可以參觀嘅地方真係多不勝數啊！
8月8日WCH JPC首先嚟到中國河南省洛陽市南郊12公里香山崖壁上面嘅龍門石窟，當中最有特色嘅就係魏晉同南朝時期漢族文化相融合開鑿而成嘅石窟雕塑！可以咁近距離觀察古時留落嚟嘅文物真係令人嘆為觀止！
之後就去咗國家AAAA级旅游景區，埋葬漢末三國名將關雲長首級嘅地方 - 關林廟，參觀咗大殿二殿三殿以及關墓。可以見識「千里走單騎」、「過五關斬六將」關二哥嘅大殿，真係「讀萬卷書不如行萬里路」！
最後仲有武則天登基為帝嘅遺址 - 明宮，同埋佛教嘅發源地，「中國第一古剎」 - 白馬寺！中國嘅歷史文化真係博大精深，每一個地方都令人感到讚嘆！
