今個中秋前夕，九龍城區少年警訊邀請到甜品導師教大家整應節又特別嘅冰皮月餅！今次嘅冰皮月餅俾大家揀兩隻味，有經典嘅芝麻同紅豆味，更加入咗五顏六色嘅幻彩冰皮！仲有別具意義嘅「提子造型月餅」——寓意「提子提子，提防騙子」，將防騙訊息融入節日美食之中！
喺導師悉心指導下，各位少訊會員親手製作出獨一無二嘅冰皮月餅。完成後，大家仲可以將成品帶返屋企，同家人一齊分享，記得仲要幫手將防騙訊息傳開去，等更多人提高警覺，過一個又甜蜜又安全嘅中秋節！
九龍城區少年警訊 「提子中秋幻彩冰皮班」
@ 杰仔@九龍城
你或有興趣的文章
@