@ 
近日，元朗民政處聯同元朗區慶祝中華人民共和國國慶統籌委員會及元朗六鄉鄉事委員會喺元朗劇院，順利舉行咗一場令人 聽出耳油 嘅「金曲匯演」，全場座無虛席、氣氛熱烈 。
作為元朗區賀國慶嘅壓軸活動 ，今次演唱會由一眾大家熟悉嘅本地歌手 ，以動人嘅 歌聲演繹多首經典金曲 ，仲不時邀請現場觀眾 大合唱。音樂 具有獨特嘅力量 ，承載著社區之間嘅共同回憶與連結 ，既能感動人心 ，亦能凝聚社群 。每一首 經典嘅金曲 都能為現場觀眾帶嚟共鳴 。
典禮由元朗民政專員胡天祐、中聯辦新界工作部處長周文靈聯同元朗六鄉鄉事委員會正、副主席及籌委會主席擔任主禮嘉賓，同一眾元朗區街坊共賀國慶76周年。
享受完高水準 嘅音樂演出 後，觀眾都意猶未盡，大嗌安哥（Encore） 及掌聲 不斷，睇得相當盡興 。每位觀眾仲獲得紀念品一份，滿載而歸！
