@ 
為熱烈慶祝國慶76周年呢個大日子，元朗民政處聯同元朗區慶祝中華人民共和國國慶統籌委員會及元朗各界協會，喺元朗區馬不停蹄咁攜手合辦多個節慶活動，包括：
升旗禮
1/10上午喺天水圍銀座廣場 舉行，由中聯辦新界工作部副處長龐杰釗、港區全國政協委員呂堅及梁志祥、地區服務及關愛發展基金（元朗）主席李聖根、元朗民政助理專員高倬煒等擔任主禮嘉賓。典禮場面 莊嚴肅穆，奏唱國歌時隨著國旗同區旗徐徐升起，共同 祝願祖國國泰民安 、香港繁榮昌盛 、元朗政通人和 。
嘉年華
同日下午喺天水圍公園同埋銀座廣場嘅「 嘉年華 」活動，則由中聯辦新界工作部副處長龐杰釗、港區全國政協委員呂堅、地區服務及關愛發展基（元朗）主席李聖根、元朗民政助理專員曾進等主禮，同巿民一齊感受國慶喜氣洋洋嘅氣氛 。現場設有20個特色攤位 ，包括手工藝工作坊 、兒童彩繪體驗 及豐富嘅遊戲禮物等。大會又安排咗好多精彩嘅綜合表演 同深受小朋友歡迎嘅充氣彈床 等，現場滿載歡樂嘅氣氛。
除咗呢兩項之外，唔好唔記得開放到10月7日嘅「 天水。光影」。活動以光影藝術展現元朗嘅活力與創意，透過以「 蝴蝶」為主題嘅璀璨燈飾效果，打造成特色打卡熱點。
