@ 
為熱烈慶祝中華人民共和國成立76周年及迎接第15屆全國運動會，九龍城民政處近日聯同地區組織舉辦2項精彩活動，凝聚社區力量，展現活力共融精神！
「龍城同心賀國慶—全城關愛社區嘉年華」
香港基督教女青年會日前（27/9）喺何文田社會服務大樓舉辦咗溫馨熱鬧嘅嘉年華，由九龍城民政專員蔣志豪主禮。活動以「舞龍賀國慶」揭開序幕，亦頒發咗感謝狀予表演團體，表揚佢哋對文化傳承嘅貢獻。現場設有傳統小食製作、迷你盆栽工作坊、養生槌DIY及健康運動體驗等攤位，讓居民透過互動感受社區關懷。同場更安排參觀社會服務大樓，讓地區領袖深入了解女青喺長者照顧、家庭支援及青年發展等方面嘅服務成果，充分體現「全城關愛」精神！
「紅磡分區喜迎全運・運動日」
同日下午，紅磡分區委員會喺聖公會奉基小學舉行活力四射嘅運動日，由九龍城民政助理專員胡皓文聯同分區委員會主席林煒橋等嘉賓主禮。運動日設有多個精彩環節，包括運動項目表演、親子競賽、特色遊戲攤位及運動員分享等。活動更特別邀請「創青體育會」及「中國香港籃球總會」嘅香港代表隊成員親臨現場，進行手球同籃球技術示範，畀參加者近距離觀摩精英運動員風采！現場氣氛熱烈，參加者踴躍投入各項活動，笑聲不斷，充分展現紅磡區嘅健康活力！
兩項活動分別以文化關懷與體育活力為主題，成功推動社區參與，彰顯九龍城區多元共融嘅特色。九龍城民政處將繼續與地區團體緊密合作，舉辦更多有益身心嘅活動，與市民共建健康快樂嘅社區！
