@ 
為咗慶祝國家成立76周年呢個重要日子 ，北區民政處、鳳水分區委員會及龍山分區委員會5/10合辦咗「北區共賀國慶76周年嘉年華 」。多謝各位街坊嚟到上水花園第一號及東莞學校（上水）撐場。
中聯辦新界工作部副部長王卉、北區民政專員卓穎然、鳳水分區委員會主席黃楚淇、龍山分區委員會主席葉奕成、多位立法會議員、政府部門代表，以及一眾地區領袖均有到場支持 ，為活動主禮 ，與市民一同感受國慶嘅喜悅。
嘉年華現場氣氛熱鬧 ！有人氣歌手獻唱 、變臉 、武術 、歌舞表演 、中樂表演 等，仲有美味嘅爆谷 、棉花糖 、地道小食 ，同埋多個攤位遊戲 及工作坊 ，大人同細路都玩得超開心。現場節目豐富 ，嘉賓同市民都樂在其中 ，歡度咗一個愉快嘅下午。在此祝願祖國富強昌盛 ，香港繁榮穩定！
除咗精彩嘅嘉年華外，區內仲掛滿繽紛嘅國慶燈飾，處處洋溢國慶嘅喜悅氣氛。國慶燈飾位置 ，包括：
上水港鐵站 往上水廣場嘅行人天橋
上水港鐵站 往北區大會堂嘅行人天橋
粉嶺港鐵站 往蓬瀛仙館嘅行人天橋
粉嶺新運路與沙頭角公路（龍躍頭段）迴旋處
北區今年以「國安民泰 華誕共歡 」為燈飾主題，祝願國家安定繁榮，人民生活康泰富足，同時亦希望加強巿民嘅國安意識。人氣熱點就梗係喺新運路迴旋處嘅大型燈飾裝置，除祝賀字句外，更配以一對精靈可愛嘅熊貓寶寶，畀巿民同駕駛人士360度都可以欣賞。
