@ 
黃大仙民政專員Thomas近日聯同一眾黃大仙區議員到訪位於灣仔嘅消防處灣仔樓宇改善支援中心。中心自今年 月啟用，專為舊式樓宇嘅業主同佔用人提供一站式支援，協助市民遵辦相關消防條例嘅消防安全要求 ，全面提升舊式樓宇嘅消防安全水平。
當日， 消防處副消防總長（樓宇改善）黃旭平介紹展覽區，亦展示咗相關《條例》要求嘅消防裝置及設備 ，仲詳細講解消防處喺協調圖則審批程序同工程驗收安排方面嘅支援 。黃大仙區議員與消防處代表亦就區內情況互相交流 ，了解到消防處如何支援業主及佔用人進行樓宇復修工作。
業主及佔用人可前往支援中心查閱資料及親臨求助 ，或在有需要開會時使用會議室 。支援中心亦會為業主及佔用人提供適切支援，包括協助業主申請津貼 。消防處亦喺網站上載「曾成功完成消防安全改善工程的註冊消防裝置承辦商名單」供業主參考 ，建議業主可使用市區重建局推出嘅「招標妥」進行招標。
為應對舊樓消防安全嘅挑戰，消防處已於今年 月開始，喺樓高六層或以下嘅舊式樓宇推行「物聯網火警偵測系統先導計劃」 ，探討以物聯網火警偵測系統及滅火筒作為替代方案，協助業主提升消防安全水平 ，並以更便捷方式符合《消防安全（建築物）條例》嘅規定。
歡迎大家到訪消防處嘅樓宇改善支援中心了解有關資訊，齊心做好大廈維修保養 ，攜手建立更安全嘅社區！
@ 