@ 
大埔青年網絡一直都重視成員玩得開心又有意義。上星期（28/9），大埔青網 獨木舟淨灘義工團就聯同香港青年獎勵計劃20位熱血嘅青年義工 ，無懼風雨，參加咗個好有意義嘅海岸清潔行動！
大埔區早前因超強颱風樺加沙 同雨災 導致大量雜物、垃圾沖出海岸。當日義工隊伍由大美督出發，經過龍尾泳灘，以獨木舟方式沿途收集海面垃圾。雖然期間落起大雨 ，但仍然無阻義工前往羊洲清潔近岸淺灘嘅垃圾！大家第一次見識到風災同雨災後，海洋垃圾滿布海面嘅震憾畫面 ，人人「收穫滿滿」 。撿拾好嘅垃圾最後分類交畀「綠在大元」同「綠在廣福」幫手回收 ，經過一輪努力，羊洲附近嘅海岸已經有所改善！
一班義工都話呢個活動好有意義，重點係玩得開心，仲可以保護環境， 用行動守護大自然 ，為社區同海洋持續發展出一分力！
嚟緊10月18日，義工團會繼續喺大埔區 進行最後一次清潔行動，將環保精神Carry On！ 如果你都想加入呢個咁有意義嘅活動 ，快啲下載民青局嘅最新手機App HKYouth+ 報名啦！又或者直接WhatsApp我哋 6278 0733 查詢詳情！一齊用行動實踐環保由我做起！
