@ 
由葵青民政處、葵青區青年發展及公民教育委員會及葵青區青年網絡主辦，甘肅省人民政府港澳事務辦公室及香港甘肅聯誼會協辦，荃灣葵涌及青衣區中學校長會支持，新界青年聯會擔任伙伴單位嘅「葵青區紀念抗戰勝利80周年 - 甘肅文化及創科交流之旅」，已於25 – 29/8圓滿舉行 ！
交流團由葵青民政專員梁乘龍擔任團長，帶領近40名來自葵青區13間中學、大專及在職青年 ，走訪歷史與創新交匯嘅甘肅省敦煌市同張掖市，展開五日「歷史 · 文化 · 創科」深度學習之旅 。等我哋一齊回顧呢段充滿啟發嘅精彩旅程！
（一）愛國主義教育 · 歷史傳承
喺河西學院參加「抗戰勝利80周年專題講座及交流會」 ，讓青年深入了解甘肅省於抗戰中作為戰略物資輸送要道同後方基地嘅歷史貢獻，感悟中國人民堅毅不屈嘅抗戰精神 。
（二）文化瑰寶探索 · 深度體驗
從鳴沙山月牙泉嘅自然奇觀，到張掖七彩丹霞 嘅地質魅力；從敦煌研究院「數字敦煌」 嘅保育技術，到親臨莫高窟感受千年文化瑰寶；從紫軒葡萄酒莊園 瞭解西北特色產業嘅發展，到陽關博物館沉浸體驗仿古出關儀式 ，青年親身感受中華文化嘅深厚底蘊與現代活力 。
（三）國家前沿科技 · 拓寬視野
參訪敦煌光電博覽園 ，了解國家「西電東輸」嘅戰略及於新能源領域嘅領先技術 ；考察敦煌飛天通用航空企業 ，探索低空經濟與旅遊融合嘅創新發展模式 。
今次甘肅之旅，青年於行走中感悟歷史 ，從交流中深化思考 ，加深對國家嘅認同與歸屬感 。期盼各位青年將此行所見所想化為前行力量 ，貢獻國家與香港嘅未來！
