@ 
為慶祝中華人民共和國成立76周年及中秋佳節 ，沙田民政處聯同地區團體舉辦一連串嘅慶祝活動 ！
由上星期四至今個星期一(2-6/10)，沙田民政處聯同沙田各界慶委會合辦咗一系列慶祝活動，重頭戲於馬鞍山新港城中心舉行「賀國慶迎中秋•好聲音唱好沙田」音樂會 ，主辦團體邀請到中年好聲音嘅人氣歌手落力獻唱 ，一齊炒熱節日氣氛 ，與市民歡度國慶及中秋佳節 。其他活動包括紀念抗戰勝利80周年電影欣賞會 、粵劇晚會及紅星金曲晚會 ，其中紅星金曲晚會亦邀請到著名歌手大唱懷舊金曲，與區內市民共度佳節 。
另外，沙田民政處同沙田文化藝術推廣委員會喺9/10舉行咗「慶祝中華人民共和國成立七十六周年 - 沙田樂悠揚音樂會」。由香港浸會大學附屬學校王錦輝中小學嘅學生以及香港賽馬會義工樂隊，帶同各式各樣中西樂器 嚟到威爾斯親王醫院，專誠嚟為醫院嘅病人、家屬、醫護人員及義工帶來美妙嘅音樂。適逢中秋佳節 ，學生透過演奏多首充滿中秋節日氣氛嘅樂曲 ，讓大家放鬆心情，舒緩壓力，享受音樂，同賀國慶 。
主辦團體希望透過呢啲活動，為區內居民增添節日熱鬧氣氛 ，加強居民社區凝聚力 及歸屬感 之餘，亦希望藉有關活動加深市民對國情嘅了解，培養國民身份認同 。
