@ 
由九龍城民政處、九龍城區議會、香港幼稚園教育專業交流協會、九龍城區康樂體育促進會同埋香港城市藝術中心合辦嘅「龍城飛舞迎全運 千人共聚賀國慶」日前（7/10）喺紅磡市政大廈體育館圓滿舉行 。活動旨在集合九龍城區內各界嘅力量，喺慶祝祖國成立76周年以及即將舉行嘅第15屆全國運動會嘅同時，推廣社區文化藝術活動，將愛國、和諧同健康等嘅元素融入社區。
九龍城民政專員暨九龍城區議會主席蔣志豪、中聯辦九龍工作部處長林金輝、立法會議員楊永杰、九龍城區議會各委員會主席以及一眾區議員、增選委員以及九龍城區委員會委員當日一同出席活動。喺典禮儀式上，先由500多位舞蹈員，為一眾嘉賓表演「狂歡」 以及「路邊野花不要採」 兩齣大型舞蹈，以精彩嘅舞步展示大家對祖國未來嘅期盼同祝福。然後，一眾嘉賓與千多名地區舞者一同以輕鬆嘅舞步齊賀國慶，氣氛既熱鬧又溫馨。
今次嘅活動有超過30隊地區舞蹈團體，超過一千名舞者參與，為在場嘅公眾朋友同嘉賓表演咗連綿不斷、充滿愛國情懷嘅舞蹈 。充分展示咗九龍城區嘅活力！ 專員喺致辭時亦有勉勵大家保有一個愛國嘅心 ，緊記祖國嘅歷史，同時鼓勵大家積極參與全運會嘅各種活動 ，為運動員大力打氣！
