@ 
中西區民政處聯同精英運動員慈善基金合辦嘅「賀國慶及第十四屆中西區體育節活動系列 - 精英運動員慈善基金賽馬會動感社區計劃 - 運動體驗日@中西區」星期六（11/10）再度火熱登場喇！
今次活動除咗有深受歡迎嘅劍擊同新興運動地壺球外，仲特別加入近年喺香港燃起熱潮嘅「匹克球」體驗項目，讓參加者有機會親身體驗呢項易上手、好玩又健康嘅新興運動！
參加者喺活動中學習到匹克球、劍擊同地壺球嘅賽制同玩法，仲可以接觸同試穿各種運動裝備，個個都盡情投入，一齊度過咗一個充滿活力與健康嘅周末！參加者都大讚運動體驗日嘅項目越來越多元化，同時亦都對仲有29日就舉行嘅全運會表示熱切期待，齊聲為香港運動員加油打氣！
@