@ 
東區青年生涯規劃指導計劃 — 「東區星月同行計劃」，星期日（12/10）舉行新一屆啟動禮 。
主禮嘉賓包括代表主辦單位嘅東區民政專員黎旨軒Henry、東區青年發展及公民教育委員會主席沈依紅Esther同香港青年協會督導主任黃秀儀Carrie。Henry專員致辭時表示，呢一屆嘅活動延續咗上屆讓學員獲益良多嘅「三層式友師架構」。每一名學員（Mentee)均會與兩名友師配對 — 包括由區內專業人士自薦或推薦，來自不同界別嘅資深友師（Senior Mentor)，同剛投身社會嘅青年擔任嘅朋輩友師(Junior Mentor)。學員藉香港青年協會社工嘅引領，透過一系列活動，以及不同友師相伴、啟發同經驗分享，了解國家與香港整體以至個別行業嘅機遇，認清自己嘅特質同興趣，發掘潛能，為自己未來嘅職涯訂立目標。
至於喺今日啟動禮前舉行嘅簡介會，友師與學員除深入了解計劃內容及日程，更邀得香港學術及職業資歷評審局高級評審主任黃佩旋親臨介紹資歷架構同資歷名冊，仲有個人經驗嘅分享，為大家籌劃未來打好基礎。
今屆「東區星月同行計劃」將以職業興趣測試Holland Code Test貫穿整個計劃，並以「VISION」為主題 ，於一連串嘅友師學員關係建立、職業體驗工作坊等活動中融入以下六大元素：分別為「Visualize (願景描繪) 」、「Influence (正面影響) 」、「Skill (技能提升) 」、「Implement (行動實踐) 」、「Optimize (優化成長) 」及「Navigate (領航未來)」。同時，亦會加入職場實習及職業技能訓練等多元化元素
期望學員們透過計劃，喺友師指導下攜手成長，裝備自我，未來成為社會嘅中流砥柱，貢獻國家同香港發展！
